WILLEMSTAD.- Djadumingu awor 11 novèmber 2018 lo tuma lugá e sertámen di Mini Beauty International. 6 kandidata di edat entre 6 ku 10 aña lo kompetí den e sertámen aki ku ta karga e tema di Edukashon, Dibertishon i Beyesa.
Nan a pasa den un trayekto di 2 luna di preparashon kaminda nan a siña entre otro kon pa usa nan beyesa infantil pa duna mensahenan positivo na otro muchanan.
Djadumingu awor di 4 or pa 7 or di atardi den Atrium di Renaissance Hotel Curaçao, nan lo pone nan preparashon den práktika ora ku nan kompetí pa e título máksimo di Mini Beauty International.
IBFF ta invitá pueblo di Kòrsou kompletu pa bin apoyá nos futuro beyesanan i nan soñonan pa tur nos muchanan.