WILLEMSTAD.- Tur kos ta kla pa e sertámen ku lo saka e modelo maskulino di Kòrsou ku lo representá nos pais na Thailand den 2019.
E proyekto ku masha dia hóbennan maskulino tabata warda pa motibu ku e por bira un parti di nan bida i trabou ta tuma lugá dia 4 di novèmber próksimo na Renaissance.
E modelonan lo presentá na 4 okashon pa dje forma aki duna e hurado e oportunidat pa skohe nos representante.
Den showtime lo tin presentashon di artistanan lokal i den públiko lo tin algun dje beyesanan lokal ku ta dominá Instagram.
Kòrsou ta keda invitá pa bin mira un show diferente i ku animadónan tremendo. A sobra algun karchi na Mensing’s Caminada i serka algun dje partisipantenan pa 25 florin.
Show ta kuminsá 5 or di atardi i bo no mag di pèrdè nada for di komienso.
Pa mas informashon di Mister Model Curaçao 2018, por sigui e página di facebook i Instagram: Mister Model Curaçao.