WILLEMSTAD.- Djadumingu awor, 10 di sèptèmber lo tuma lugá na International School na Emmastad e sertámen maskulino ‘Mister World Wide Curaçao 2017’. Un total di 10 partisipante ta kompitiendo den e sertámen kaminda nan lo tin 4 presentashon. Nan lo tin un presentashon uniformá, trahe di baño, trahe resiklá i por último na flus kaminda na lo risibí un pregunta pa kontesta. E sertámen ta kuminsá pa 5’or di atardi i ta plania pa terminá 8’or di anochi. Lo bai tin un show tur afó i partisipantenan ta bon prepará. Karchi pa e evento ta optenibel serka tur partisipante i na Mensing’s Caminada. Pa mas informashon bo por bishitá e página di facebook: ‘Mister World Wide Curaçao’ òf yama 675-4186.