Sesarina Maria Thomasa

3 di novèmber 2017
Na memoria di mi dushi mama.

Sesarina Maria Thomasa

Awe ta nèt tres (3) aña ku un gran parti di mi kurason a sak den otro ora ku bo a sera bo wowonan i bai laga mi pa semper.

Mi mama dushi, mi ta sinti bo falta masha hopi mes. Semper mi tabata bisa bo ku mi ta stima bo. I te ainda mi ta keda bisa bo kuantu mi ta stima bo, mi mama.

Promé ku nos bai drumi anochi, semper nos kada un tabata marka un señal di krus riba otro su frenta. I tambe tur mainta promé ku mi bai mi trabou. Kustumbernan ku semper bai ta keda hasi mi hopi falta. Tur ora bai bo tabata atento pa tur bo yunan, ñetunan i bisañetunan.
Semper bo tabatin oido pa skucha nos kada un. Nos tristesa i nos legria.

Hopi biaha awa ta laba mi kara kòrdando riba bo, mi mama, i na e mesun momentu mi ta haña un sonrisa riba mi kara kòrdando tambe e momentunan dushi i prèt ku nos tabata pasa huntu. Mi mama dushi, e bashí ku bo a laga tras, ta wòrdu yená hopi biaha dor di djis kòrda riba e AMOR grandi ku bo tabatin pa kada un di nos i tambe pa bo próhimo.

Mami, mi mama dushi, mi ta sinti bo falta masha hopi mes. Danki pa tur tur kos ku bo a hasi pa mi for di mi nasementu te na bo morto. Bo a bai laga mi, ku un edat di 93 aña, pero semper bo tabata atento pa tur kos, te na e último ora.
Danki, danki i hopi danki.

Mi mama, mi amiga, mi amor, na nòmber di mi rumannan, bo ñetunan i bisañetunan,

Sigui drumi dushi den brasa di Señor i SOSEGÁ NA PAS
i un biaha mas masha DANKI.

Bo yu Magda.