WILLEMSTAD.- Djaluna último SGO Goslinga a selebrá ku nan alumno Loeshemailies Basilia ku den kuadro di e sertámen di Miss Teen Curaçao 2019 a logra vários título, Miss Fotogénika, Miss Amistat, Miss Internet, Best Body i djasabra a risibí korona komo Miss Teen Grand Curaçao 2020.
Ku e último título akí Loeshemailies lo representá Kòrsou otro aña den eksterior na Mexico kaminda tambe sin duda lo e sigui hasi un tremendo trabou.
Kontinuamente su skol i sigur su mèntòr por mira Mailies su kapasidat, talento, determinashon i forsa pa logra loke e proponé su mes pa alkansá, tantu na skol, den sertámen komo den su bida diario. Den loke tabata na alkanse nan a apoyá nan alumno ku hopi amor i e deseo ta pa e sigui ku e mesun positivismo i bendishon di ariba pa sigui skor riba tur tereno den su bida.