WILLEMSTAD.- Djasabra a tuma lugá den ballroom di Holiday Beach Hotel e elekshon di Baby, Mini i Mrs. Curaçao 2018. E show ku a keda produsí pa Marvelous Production tabata bou di direkshon di Sra. Marvelin Martina Hous.

PREMIASHON
Cherry-Neisha Henriques a resultá Baby Miss Curaçao 2018, alabes el a gana premio pa ‘Beautiful Smile’ i ‘Best Catwalk’. Kyara Cecilia a keda premiá komo: Baby Miss Curaçao International, ‘Most Dynamic’ i ‘Baby Miss Internet’. Komo Miss Curaçao Internaitonal 2018 i Baby Miss Playa a keda premiá: Xianna Oleana.
Komo promé finalista a keda premiá Kiandra Cicilia ku a gana tambe e premio pa ‘Baby Photogenic’. Di dos finalista a resulta Ky-Shaenna Muskus, di tres finalista: Gi-Anahi Francisca Kraal i di kuater finalista: Q’Ja-nae Martinus.

MINI
Den e kategoria Mini e ganadó a resultá Mariana Pizella Ricci, adishonal el a gana premio pa Mini Miss Playa, Mini Miss Internet, Mini Miss Photogenic i Mini Miss Beautiful Smile. Almicheyna Efraci a resultá: Mini Miss Curacao World 2018. Rawenska Serbony a bai ku e premio di Mini Miss Curaçao International, Best Catwalk i Best Evening Gown.
Mrs. Shahainy Winklaar a resultá e ganadó apsoluto di Mrs. Curaçao 2018. Aparte di e premio máksimo, Shahainy a gana tambe Mrs. Most Dynamic, Mrs. Internet, Mrs. Photogenic, Mrs. Beautiful Smile, Mrs. Best Catwalk i Best Evening Gown.
Komo promé finalista a resultá: Chajesca Dorothea, segundo finalista Ivienne Francisca i Tiffany Plantijn a konkista e premio di terser finalista i Mrs. Playa.
Riba fotonan nos por apresiá e momentu di koronashon i premiashon.