WILLEMSTAD.- Djadumingu último e organisashon IBFF, enkargá ku organisashon di e sertámen di Miss Curaçao Teenager a organista ‘The Model by Del Monte 2017’, un proyekto kaminda e kandidatanan mester a kumpli ku e tarea di promové e marka ‘Del Monte’.
Pa e proyekto aki Shakira Bito a resultá e ganadó apsoluto, ganando den tur tres kategoria ku a keda husga ku tabata ‘Best Supporting Models Female’, ‘Best Supporting Model Male’ i ‘Best Hair Fantasy’. Komo promé finalista a keda premiá, Angelle Curiel i di dos finalista: Xhyllienne Nivillac.