MIAMI.- Shakira ta na  kabes di lista di nominadonan di Latin American Music Awards ku nuebe kandidato mas ku ta inkluí artista di aña i artista femenino faborito di Pop/Rock. I Maluma ta esun ku ta siguié ku ocho.

Luis Fonsi i Daddy Yankee ta esnan ku a krea mega éksito di aña “Despacito” ku a risibí sinku postulashon kada un i tambe Enrique Iglesias, Nicky Jam, Prince Royce i Romeo Santos.

Telemundo ya a anunsiá e lista di nominadonan di Latin AMAs ku ta keda transmití bibu i direkto  for di Teatro Dolby di Los Angeles i 26 di òktober pa 9‘or di anochi. Shakira tambe a keda  nominá pa e albùm di aña faborito di Pop/Rock pa su produkshon mas resien “El Dorado”.

...Luis Fonsi i Daddy Yankee...

Su kolaborashon ku Prince Royce “Deja Vu” a kompetí pa premionan i e kansion faborito i su éksito ku Maluma  “Chantaje”. Maluma apesar di a keda nominá komo artista di aña i artista faborito di e género urbano.

Su kansion “Felices los4” ta e  kansion hopi preferí den e género Urbano i e kolaborashon ku Ricky Martin “Vente pa’cá” tambe ta midi pa premio di kansion faborito di Pop/Rock. Romeo Santos ta kompetí ku artistanan di honor ku su “Imitadora”.

Un i tur tin chèns pa for di awe te 17 òktober 4’or di atardi pa vota pa nan artista faborito via Twitter ku un tuit ku tin e nòmber i fam di e nominado, e kategoria i hashtag #LatinAMAs.

Entre esnan ku ta postulá tin e banda sinaloense MS di Sergio Lizárraga, CNCO, J Balvin, Justin Bieber i Zion & Lennox ku tres kaliber 50, Christian Nodal, Descemer Bueno i Wisin i ku dos hende di Zona, Gerardo Ortiz, Juan Gabriel, Los Plebes del Rancho di Ariel Camachi i Ulices Chaidez i su banda.