COLOMBIA.- For di algun siman rumornan a kuminsá relashoná ku e posibel embaraso di e kantante kolombiano. Despues di su tremendo aktuashon na Barranquilla, relashoná ku e apertura di “XXIII Juegos Centroamericanos y del Caribe”, Shakira a despedí si su siudat natal, pero promé ku esei el a aklará e rumornan ku tabatin ku e ta sperando un di tres yu ku su kasa, Gerard Piqué.
Na su yegada na un aeropuerto na Colombia, Shakira a keda aserká pa su fanátikonan i medionan di komunikashon, kendenan gritando a puntr’é: ‘Shakira bo ta embarasá?’.
E kantante ku un smail riba su kara a kontesta ku no. “ Dikon boso ta puntra si mi ta na estado? Mi tabata gordo ayera nochi?, esaki lo mester tin di aber ku tur e arepanan ku mi a kome”, asina Shakira a reakshon riba pregunta di su fanátikonan.
E kantante aktualmente ta na Bahamas kaminda huntu ku su famia e ta disfrutando di fakansi, pa despues e sigui ku su ‘El Dorado World Tour’.