MERKA.- Shakira a mustra su solidaridat ku e víktimanan dje atentando ku a sosodé na salida dje konsierto di Ariana Grande na Manchester, Inglatera. Despues di a mustra di ta hopi afektá pa loke ku a sosodé, el a destaká e importansia pa ‘sigui padilanti’.
‘E úniko kos ku bo por pensa den un situashon asin’aki ta ku bo no por komplasé esnan ku ke sembra miedu”, asina e artista kolombiano a deklará, algun ora despues dje atake den kua 22 persona a fayesé, entre nan algun mucha, i ku 59 a resultá heridá.
Pa nan i pa su kompañero di profeshon, Shakira tabatin un rekuerdo spesial: ‘Mi ta sinti hopi doló, mi ta afektá i impreshoná. Mi mas sentido di pésame pa e víktimanan i nan famia, i pa Ariana ku lo mester ta pasando den un situashon dramátiko”.