WILLEMSTAD.- Shamir Tremus, hóben ku un impreshonante trayektoria den torneonan Panamerikano di biar, a resultá e ganadó máksimo durante dje anochi di premiashon di Federashon Deporte i Olímpiko Kòrsou (FDOK). E entidat deportivo ayera nochi na Hotel Renaissance a premia e figuranan deportivo ku mas a sobresalí den 2019. Tremus ademas di gana den e kategoria Hubenil Maskulino, tambe a risibí “Premio Bèto Adriana” komo e máksimo figura deportivo di 2019.

Pa su federashon FEBIKO tabata un anochi grandi, una bes ku e dirigente Michael Arvelo tambe a gana e kategoria di Wes di Aña.

Tabata un anochi di gala di FDOK den Sala Atrium di Renaissance kaminda ku dirigente- i deportistanan a bini huntu pa e premiashon anual.

E ganadónan den e diferente kategorianan tabata komo siguiente.

*Prospekto Hubenil: Naydeon Liberia (ahedres)

*Ekipo di Aña: Vesta (futbòl).

*Dirigente Tékniko: Evan Balentina (sòftbòl).

*Wes: Michael Avelo (biar).

*Hubenil Femenino: Vanessa Mercera (atletismo).

*Hubenil Maskulino: Shamir Tremus (biar).

*Senior Femenino: Arzy Zahia Salim Mousa (peso).
*Senior Maskulino: William Sanchez (body building).

...Naydeon Liberia, Prospekto Hubenil 2019, ta risibí su premio for di man di Ruthsel Martina...

...Vesta a keda premiá komo Ekipo di Aña. Presidente Erich Lourens (di dos for di man robes) a risibí e premio for di man di Nelson Maria...

...Premio pa Dirigente Tékniko a bai pa Evan Balentina (di dos for di man robes) di sòftbòl. Rein Persaud a hasi entrega di premio...

...Lernnerth Angela (meimei) a risibí e distinshon komo Dirigente Atministrativo di aña...

...E rekonosimentu pa Wes di Aña a bai pa Michael Arvelo (meimei) di biar...

...Vanessa Mercera pa di tres aña siguí Atleta Hubenil Femenino di Aña...

...Shamir Tremus ta risibí for di man di Vergilly Winklar e premio komo Deportista Hubenil Maskulino...

...Ailén Mena a gana e kategoria Senior Femenino i a keda representá pa su mama sra. Raquel Rochard...

...Bodybuilder William Sanchez a gana komo Senior Maskulino. El a risibí su premio for di man di sra. Lisette Sambo-Velder...