WILLEMSTAD.- E momentu a yega ku Shamiro Anita lo bai duna su Gran Konsierto, titulá “Nunka Entregá”, kombiná ku shownan espektakular.
Den e konsierto aki Shamiro lo bai motivá tur esnan presente pa Nunka Entregá i sigui perseverá maske kon duru e bataya ta, pasó Dios semper tei pa yuda i den Dios nan soñonan lo realisá.
E evenementu aki lo tuma lugá djasabra, 30 di sèptèmber 2017, den e Hall di International School kuminsando 7.30 di anochi. Esaki lo bai ta e evenementu ku Kòrsou tin mester na e momentunan aki.
Henter famia lo disfrutá di e Gran Konsierto & Show aki. Lo bai tin kantikanan na Papiamentu, Spaña i Ingles ku ritmonan variá i ekspreshonnan bunita di arte manera Grand Choir, Modern Dance, Light and Fire Show, Baile, Laser Show, Akrobasia i hopi sorpresa mas.
Loke ta hasi e evenementu aki algu úniko i bunita, ta ku ta bai tin e mihó gueststars, artistanan i gruponan di Kòrsou i internashonal ku lo kompaña Shamiro riba e senario.
Karchinan ta optenibel na Mensing, Beep Beep, Kas di Beibel, Tik Tak i 24 uur uit de Muur. Kumprando karchi bo ta koperá i yuda Shamiro.
Bin eksperensia e Gran Konsierto “Nunka Entregá” huntu ku Shamiro & Friends den e Hall di International School dia 30 sèptèmber  2017 den Emmastad. Riba e potrèt por mira Shamiro durante su presentashon.