WILLEMSTAD.- Djasabra anochi a tuma lugá e anochi final di e sertámen Miss Teen Curaçao International 2019 na Santa Barbara Beach & Golf  Resort dilanti di un públiko grandi.
Kada un di e partisipantenan a haña un madrina asigná pa a guia nan durante di hinter e temporada. E madrinanan tur ta sobrebibiente di e malesa di kanser na pechu òf ta kombatiendo den e malesa.
Maestronan di seremonia pa e anochi tabata Suhail van Grieken, Akisha Albert i Carlton Jansen kendenan a karga e show di un manera profeshonal.
E anochi a konta ku un bunita show “Welcome to Curaçao”, kua su koreografia tabata na enkargo di grupo di baile DDO + FAK ku presentashon di artistanan Ebony Albertus, Doña  Elia Isenia, Richard Engelhardt, Stevens Daniels, Violista CJ – Opus, Kirsten Michels i tambe Seajee Sambo ku un bunita poesia.\
Pa loke ta e premiashon, esaki a resultá lo siguiente: Shaqira Noor - Miss Teen Curaçao International 2020; Marlusha Americaan - Miss Teen Universe Curaçao 2020 i Best Project; Davica Demali - Miss Teen Americas Curaçao 2020 i Miss Elegansia; i Loeshemailies Basilia - Miss Teen Grand Curaçao International 2020, Miss Amistat, Miss Fotogénika, Miss Internet i Best Body.
Direktiva di Curaçao International Crowned Queens Foundation por mira bèk riba un eksitoso promé edishon di Miss Teen Curaçao International i ta gradisí tur spònser ku a kere den e organisashon i un i tur ku di un òf otro forma a kontribuí ku nan durante e temporada kompletu.