WILLEMSTAD.- E gran final di Kantadó Mayó 2019 a resultá un éksito kompletu. No solamente pa e kantidat di públiko ku a yega Sentro di Rekreo Suffisant (Klup di Shell), pero pa e nivel haltu di kompetensia.
E gruponan rítmiko ku a partisipá den e final di Kantadó Mayó a duna un tremendo presentashon i no tin duda ku hurado a hasi un tremendo trabou ku e resultado.
Fundashon Kultural Seú Kòrsou por mira tras riba un evento ku a kana bon i ku a konta ku un sintonia haltu pa loke ta trata esnan ku a sigui e transmishon via di televishon.
Sharrel su ‘Na pia Me’ ta pinta di bai bira un dje seúnan super popular.
Resultado Kantadó Mayó 2019
Mas Popular: Rumichel “Rumi March” Marchena - Wapa Sana; Premio Estímulo: Joël Villareal - Hinka mi den dje; Trahe Femenino: Jarnice Aitatus - Los e lag’e bai; Trahe Maskulino: Raginder Sluis - Danki mi Tata; Mihó Bos i Entonashon: Sharrel “Adjatay” Denisia - Na pia me; Mihó Letra: Reinier Lijfrock - Awe mi T’ei papia; Mihó Aktuashon: Sharrel “Adjatay” Denisia - Na pia me; 4to Finalista: Jarnice Aitatus - Los e lag’e bai;
3er Finalista: Richard “Chayo” Engelhardt - Lag’e Kachu t’e yabi; 2do Finalista: Furgell Wijngaarden - Wapa ku Speransa; 1e Finalista: Reinier Lijfrock - Awe mi T’ei papia i
Ganadó Apsoluto/ Kantadó Mayó 2019: Sharrel “Adjatay” Denisia - Na pia Me.