WILLEMSTAD.- Ayera den ‘Zalencentrum Sunrise’ den Rotterdam tabatin otro muestra ku nos yunan di tera por ta leu fo’i kas pero ketu bai ta mantené nan kultura na pechu.
E hóben yu di Kòrsou Gilion Henrietta ku ta presidente di ‘Stichting Jongeren in Actie’ na Ulanda a organisá Festival Kantadó Mayó “ Holland Edition” kaminda 9 partisipante a kompetí pa e título máksimo bou di kompañamentu di Waioa Music.
Un públiko tremendo a presensiá e festival ku a terminá ku e siguiente premiashon:
Mas dinámiko: Yvette Jansen; Mas facebook ‘like’: Judhaimy Pieters; Popular: Shendion Mercelina; mihó Aktuashon: Yvette Jansen.
Terser finalista: Marvin Martina; Segundo finalista: Juhhaimy Pieters; promé finalista: Yvette Jansen i ganadó apsoluto, Kantadó Mayo ‘Holland Edition’ 2017: Shendion Mercelina.
E ganadó lo partisipá den Kantadó Mayó 2018 aki na Kòrsou. Kòrsou bo por ta orguyoso ku bo yunan tin bo kultura na pechu.