WILLEMSTAD.- E tremendo kaminata di skuma tei bèk atrobe. E di 3 Edishon di "Sherry's Foam Walk" ta bai tuma lugá djadumingu awor, 6 di ougùstùs saliendo for di Real Deal Saliña i terminá bèk na Real Deal Saliña.

E kaminata ku ta 7 km ta sali 6’or di mainta en punto ku animashon di Dongo huntu ku DJ RO1. Karchi (T-shirt) ta optenibel na Mensing Caminada, Sneaker Freak i Road Side Cafe.

Ta repartí T-shirt dia 3 i 4 di ougùstùs na Road Side Cafe for di 6’or di atardi te ku 9’or di anochi. Mester trese karchi pa por risibí T-shirt. Prepará bo mes paso e dia aki lo bo bai keda tur muhá durante “Sherry's Foam Walk”.