PHILADELPHIA, MERKA, AFP.- Shete mucha ta entre 13 hende ku e muri den un kandela ku a kima un kas di tres piso na Philadelphia djárason.

Ofisialnan a bisa ku dos persona ta hospitalisá i ocho a skapa di e kandela mortal aki na ost di e distrito popular di museo Fairmount.

“Esaki sin duda ta un di e dianan di mas trágiko den historia di nos siudat”, asina alkalde Jim Kenney a bisa na periodistanan.

E hefe di Departamento di Bombero di Philadelphia, Craig Murphy a bisa e sifra di víktimanan probablemente lo sigui subi mirando ku ainda ta buskando den e edifisio.

Murphy a agregá ku ainda ta demasiado trempan pa bisa kiko a kousa e kandela, pero ku su departamento ta investigando. El a bisa ku tabatin kuater alarma di kandela den e edifisio pero ku niun no tabata funshonando.