ULANDA.-  E popular kantante Shirma Rouse, kende ta residensiá na Ulanda tabata enbolbí den un dalmentu di outo ayera mèrdia.
Segun informashon e kantante lo mester a dal su outo kontra di un palu. Rouse di 37 aña no a sufri niun leshon durante dje dalmentu. Kon e dalmentu por a tuma lugá no a keda divulgá ainda. Daño na e outo ta konsiderabel. Despues dje dalmentu, Rouse a risibí un ‘lift’ serka e polisnan ku a bin atendé e aksidente.
Den un entrevista Rouse a indiká ku tur kos ta bon kuné. ‘Ta kos ku por pasa, ami ta oké”, asina e kantante a indiká.