WILLEMSTAD.- Despues di su éksito na Ulanda, e konosido kantante yu di Kòrsou ta bin Kòrsou ku e konsepto ‘Shirma’s Soul Kitchen’, kaminda e ta kombiná músika Soul i kuminda.
E promé dos edishonnan ta tuma lugá riba djadumingu, 21 di aprel i djaluna 22 di aprel na Villa Maria, Skalo.
E konsepto di Shirma’s Soul Kitchen ta konsistí di kuminda, músika i baile. E ambiente ta informal. ‘Ta komo si fuera ku bo ta kome serka mi na kas. Mi ke pa e ambiente ta asina dushi’, asina e Shirma a indiká. E menú ku tin reserva ta konsistí di resetanan faborito di Shirma mes, ku hopi influensia karibense. ‘Mi ta loko ku e kushina kurasoleño’.
Shirma’s Soul Kitchen ta un evento eksitoso na Ulanda kaminda na vários okashon el a tuma lugá den salanan ‘sold out’. ‘Kiko mas dushi pa presentá e konsepto aki na mi propio pais’. E reakshonnan riba Shirma’s Soul Kitchen na Ulanda ta sumamente positivo. ‘E ta inkluí tur kos, for di un sena íntimo te un konsierto baliabel’, Shirma ta añadí. I tur kos ta tuma lugá bou di harimentu i yoramentu bou di e públiko. ‘Kon ku bai bin, tur hende mester sinti nan mes na kas i disfrutá enormemente, esei te intenshon’.
E kantante yu di Kòrsou di 39 aña ta kantando henter su bida. For di 2013 el a bira masha popular na Ulanda, esaki debí na su partisipashon na ‘The Voice of Holland’. Shirma ta keda elogiá pa su pashon pa músika i Soul. Shirma tin basta aña kaba i tin a base di esaki un kontakto grandi ku músikonan tantu na Ulanda komo na Kòrsou. Durante di Shirma’s Soul Kitchen na Kòrsou lo tin diferente artista konosí ku lo djòin komo artista invitá.
Bo ke disfrutá di e kanto i arte kulinario di Shirma Rouse? Karchinan pa e promé dos edishonnan riba djadumingu, 21 di aprel i djaluna 22 di aprel ta optenibel aworakí na benta ‘online’ via tibbaa.com. Karchinan earlybird ta optenibel i tambe bo por skohe pa un pakete di biña.
Organisashon dje evento ta den man di Evento Curaçao. Pa mas informashon bo por bishitá e página di facebook: facebook.com/shirmassoulkitchencuracao of buska kontakto ku Evento Curaçao via telefòn 788-1358.