WILLEMSTAD.- Awe den oranan di atardi tabatin un aksidente di tráfiko entre seis vehíkulo di kual dos persona a resultá herida.

Aparentemente un di e personanan envolví lo a bira malu tras di stür. Ámbos víktima a keda transportá ku urgensia pa departamentui di emergensia pa tratamentu médiko avansá.

Algun ratu pasa a drenta e tristu notisia ku e homber envolví a fayesé. Ta trata aki di un eks polítiko di fam I. konosí den komunidat.

No por konkluí ku ta trata aki di un morto kousa pa e aksidente di tráfiko mirando kue shofùr a bira malu bou di stür. E parti aki ainda ta bou di investigashon di polis i departamentu di tráfiko.

EXTRA ta ekstendé su mas sentido di pésame na famianan di e defuntu.