WILLEMSTAD.- Grupo di karnaval Dushi Aventura ta bai show su disfras pa loke ta trata karnaval 2019. Dushi Aventura ya pa añanab ta hala atenshon di públiko ku su disfras nan semper apart i  “out of the box”. P’esei mes e ta interesante pa bo no pèrdè e oportunidat aki pa presensia e presentashon di disfras.
Den un  forma hopi apart lo hasi e  evento públiko, djaweps dia 4 di òktober 2018
durante Punda Vibes, kaminda e grupo lo presentá ‘Carnival Vibes’.
Lo bai tin un  programa hopi entretené i ku un variashon di atrakshon pe públiko por disfrutá di dje.
Pe anochi aki a uni ku Mister Model Curaçao, ku lo instalá su misternan pe elekshon di 4 di novèmber próksimo.
Tambe lo bai tin animashon di Rhyddm band kual lo bai ta e banda ku lo kompañá e grupo durante gran marcha di 2019.
Dj Plem lo entretené for di 18:30 riba Gomez Plein. Tambe lo bai tin grupo di baile i finalmente demostrashon di diferente modèlnan di trahe di Dushi Aventura pa 2019. E programa ofishal lo kuminsá 7 or en punto.
No laga e oportunidat aki pasa bo bai, bin wak kiko Dushi Aventura tin pa 2019. Lo bai tin oportunidat pa inskribí mesora den e grupo. Pa mas informashon lo por tuma kontakto ku grupo via telefòn: 540-5617, 515-0933 òf 520-8089.