WILLEMSTAD.- E tradishonal Show Musikal di CUROIL kombiná ku sendementu di lus na e ofisina prinsipal a resultá e aña aki unu fenomenal.
Nos hóbennan artista a habri e show, siguí pa ‘Kor Moment of Praise’ i djei un kantidat di nos kantantenan lokal a presentá ku kompañamentu musikal di un orkesta bou di direkshon di e maestro Gregory Colina.
E variashon di músika ku a keda presentá sigur a kai na agrado dje públiko ku fuera di a kanta koro ku e kantantenan a haña chèns di por tin interakshon ku entre otro Junior Tecla ku a baha i bai kanta den públiko.
E nivel di presentashon di nos artistanan tabata fenomenal i kada un na nan forma a sa di impreshoná. Riba foto algun imágen durante dje show musikal di CUROIL.