WILLEMSTAD.- Ayera Grupo di Karnaval ‘La Vie’ a tene un rueda di prensa kaminda Boy Thode i Layo Virginie a konfirmá partisipashon di ERA ku ‘La Vie’ den Karnaval 2019. ERA ta kombensí ku nan lo bai dal duru huntu ku ‘La Vie’ ku ta un grupo yòn i dinámiko. Grupo di Karnaval ‘La Vie’ a debutá na 2017 den Karnaval di Kòrsou i a logra di sali na di 5 lugá ku nan tema ‘Kaleidoskope’. E aña aki nan a presentá ‘Fairies an Wizards ku The Power of Magic’ i a logra pa ku e título máksimo di ‘Folklor Nashonal i Internashonal’ i alabes mantené nan puesto den ‘Top 5’ di Karnaval di Kòrsou. Ku e kontrakt firmá ku ERA pa Karnaval 2019 kombiná ku e tema ku nan a skohe tin tur indikashon ku e tei bira algu espektakular. Si bo ke ta den ‘La Vie’... no drumi. Pa mas informashon bo por yama 665-5524, bishita e wepsait www.lavie.live òf e página di facebook di ‘La Vie Curaçao’.