WILLEMSTAD.- ‘DEN E BEMBE’ a bai chèk pa wak kiko tabata e problema ku músikonan di AMAK no a risibí nan pago pa loke ta trata nan presentashon durante di ‘Tumba Revival 2021’.

Nos a bin komprondé ku Sektor di Kultura a proponé pa nan mes paga e músikonan dirèkt i ku tur probabilidat, awe Gobièrnu, lesa Sektor di Kultura, lo depositá e montante total riba kuenta di e kompania di Gregory Colina, ku tabata e direktor di orkesta i kordinadó di e músikonan, pa dje forma ei e na su turno pèrkurá pa e pago na kada músiko keda realisá.

‘DEN E BEMBE’ tabata sa fo’i delantá ku e pago lo a bai ku un tiki di tardansa, esaki debí ku ta via di e sistema di pago di Gobièrnu esaki mester a tuma lugá i ta konosí ku Gobièrnu tin su trayekto ku e pago mester kana.

Ban spera ku pa e wikènt aki e kapítulo di pago di músikonan por ta tras di lomba.