Siegfried Paulo Martinus Fecunda
Aviso di Morto
A bai sosegá den brasa di su Kreador, mi kasá, nos tata, tawela, ruman i tio:
Siegfried Paulo Martinus Fecunda
Mihó konosí komo "Fifi" Maestro di skol na Sint Aloysiusschool, Sint Vincentius, John Horris Sprockel i Jacques Ferrandi.
2 di aprel 1937 - 7 di febrüari 2023
Na nòmber di su esposa:
Femmigje (Femmy) Fecunda - Weide.
Su yunan:
Günther i Maria Fecunda - Links
Ortli i Kiara Fecunda - Jesurun
Shurlami Supriana i Sherman Elizabeth.
Su nietunan:
Michael Fecunda
Marthijn Fecunda
Patricia Fecunda
Jordon Supriana
Sophia Fecunda.
Su rumannan:
Wendel Fecunda i Famia
Roy Fecunda i Famia
Mireya Fecunda i Famia
Elón Fecunda i Famia
Rumannan Floranes i Famia
Rumannan van Uytrecht i Famia
Su tanta:Marjorie Helmeyer.
Subrino i Subrinanan, Primu i Primanan
Demas famia i konosínan:
Fecunda, Weide, Links, Jesurun, Supriana, Van Uytrecht,
Floranes, Helmeyer, Cleofa, Bikker, Hemmep, Schoop
Olivieira, Ricardo, Monte, La Croes, Alvero, Agnes,
Juliana, Wawoe, van de Linde, Curiel,Provence i Lieuw-On.
Un danki speshal na: Stichting Hamiëd
Entiero ta tuma lugá djárason dia 15 di febrüari 2023 saliendo for di Kapia Ardiente na Bottelier pa Santana Morada Santa den hòfi di Bottelier. Ta risibí bishita di kondolensia di 9'or pa 10:30'or di mainta, siguí pa un rèspòns.
Por asistí entiero na trahe alegre.
Despues di entiero no ta risibí bishita di kondolensia na kas.
Si den nos tristesa nos por a lubidá un òf otro miembro
di famia i/òf amistat/konosí, nos ta pidi nos diskulpa pa esaki.
Albert Kemper
Palabra nan di kondolencia I forsa ta bai na Ortli I demas famia di parti di kolega nan na Sint Maarten Condolences and much strength goes out to Ortli and the rest of the family coming from C3 St. Maarten colleagues
silviokoeiman@hotmail.com
Hombunan, Roy ora ma mira e aviso di morto di Siegfried Fecunda. Mi di e señor aki tin swing di Roy mi amigu di bario di St.Helena. Ora ma habri e anunsio i mira ku e señor aki tin un ruman ku yama Wendel tambe, mi di, no, ta boso ruman mes. Roy ku Wendel kondoleer ku e fayesimentu di boso ruman. Kondoleer ta nifiká ta duel mi hopi di bo pèrdida of mi ta yuda bo karga bo pèrdida. Pesei mi ke duna kondolensia tambe na su esposa Femmy, su yunan, su sobra rumannan, nietu, sobrina(o)nan, primu(a)nan, tanta i demas famianan. Boso tin hopi tristesa den boso kurason awor aki, pero alabes boso ta kontentu di ta tin Fifi pa un tempu largu asina huntu ku boso”. Pa un hende biba 86 aña, (2 april lo el a kumpli 86) ta hopiiiii forsa di bida e tin…Antes hende tabata biba mas largu. Beibel ta bisa ku un tempu hende tabata biba hopi mas largu ku nos ta biba awendia. E ta bisa na Genesis 5: 5 ” Tur e dianan ku Adam a biba tabata 930 aña”. Na Genesis 5: 27 ” Tur e dianan ku Metusalèm a biba tabata 969 aña”.. Na Genesis 9: 29 ” Tur e dianan ku Noë a biba tabata 950 aña. Pa nos tempu Salmo 90:10 ta bisa "E dianan di nos bida ta setenta aña of si e hende tin hopi forsa ochenta aña…Bèrdat awe nos ta biba entre 70 i 80 aña. Pero Fifi a pasa e edat aki bai, dus e tabatin hopi mas forsa pe la alkansa e edat aki. Hende tabata biba mas largu antes debi ku nan tabata mas serka di pèrfekshon. Pero Yehova i Hesus a priminti ku nan ta bai duna nos ku ta yunan di Adam ku Eva bida pèrfekto. Huan 17:3 ta bisa:"Pa haña bida eterno, nan tin ku siña konosé bo, e úniko Dios bèrdadero, i esun ku bo a manda Hesukristu". Yob tabata un homber ku a pèrdè tur su rikesa i a pèrdè 10 yu den un tiru. Yob a desea di muri pero promé ku esei sosodé, Yob a hasi un pregunta ku mi ta kere ku hopi di boso ta hasi’é. Su pregunta ta na Yob 14:14 ” Si un hende muri, lo e por bolbe biba?? Na vers 15, Yob mes ta kontesta su pregunta ” Abo lo yama, i ami lo kontesta Bo, lo Bo anhela na e obra di bo mannan. Ku esaki Yob a mustra ku e ta kere den resurèkshon di mortonan dus ku Dios ta anhelá pa trese e mortonan na bida atrobe pa kaba..Hesus a mustra ku ora e mundu ser transformá den un paradeis atrobe, e mortonan lo ser yama un pa un na nan nomber pa bini afo. Na Lukas 23:43 Hesus a priminti un homber ku a muri mes dia kuné riba staka “Di bèrdat mi ta bisa bo awe, Lo bo ta ku mi den paradeis”..Mi ke konsolá Wendel ku Roy i tur e famianan ku e konsuelo ku beibel ta duna aki. Nos ta spera ku pronto boso tristesa lo kambia den alegria, e alegria di mira Fifi bèk na bida den e paradeis terenal manera Hesus a priminti na Huan 5:28,29 ” No straña boso riba esaki. Tin hende ta haña esaki straño. Hesus di "e ora ta yega den kua tur ku ta den graf lo tende su bos, i lo sali" Imaginá kon lo ta pa mira boso ser kerí Fifi atrobe. Lo bo hari òf yora di alegria? Un kos ta sigur: e resurèkshon lo oumentá boso amor pa Yehova Dios i pa Hesus. Si no ta pa nan kariño i bondat, nunka nos lo a risibí un regalo asina maravioso! Meskos ku Hesus un tempu a bisa "Lazaro"bin afo i e morto ei a bin afo..asina tambe unbes aki lo e bisa "Fifi" bin afo i Fifi lo bin afo. Mi ta spera ku boso tur lo tei pa presensia e momento aki pa brasa esposo, tata, ruman, tio, opa Fifi atrobe. Esaki ta deseo di Silvio "Chiel" Koeiman for di Rotterdam Hulanda pa su amigunan di bario di St.Helena, Seru Pretu, Wendel i Roy Fecunda i pe sobra famianan.
Eva Raap
Mr fecunda sosega na pas ex leerling Eva Raap