ORANJESTAD.- E sifranan di oumentu di kasonan positivo di Corona vírus na Aruba ta alarmante. Den último dianan, esta di djabièrnè 14 pa awe djaluna 17 por mira un kresementu signifikativo. Djabièrnè último Aruba a registrá un total di 973 persona positivo ku Covid-19 di kua 944 ta residente. Di e total ei 806 ta aktivo. Pa djasabra e sifra a kambia i bira 1048 kaso positivo di kua 1019 ta residente i 851 ta aktivo. Pa djadumingu 16 di ougùstùs Aruba a registrá 1101 kaso positivo di kua 898 ta aktivo i pa awe djaluna nan tin 1121 kaso positivo di kua 1091 ta residente i kua 905 ta aktivo. Sifranan di Karibe ta mustra ku Aruba lo ta na prome lugá den Karibe siguí pa Santo Domingo i Puerto Rico.