NEW YORK, AFP.- E prens britániko Andrew ta enfrentá un siman krusial den su lucha kontra un demanda pa asalto seksual presentá kontra di dje na New York pa un merikano, den kuadro di e skandal seksual relashoná ku su amigunan Jeffrey Epstein i Ghislaine Maxwell.

Awe djaluna lo publiká un akuerdo legal i mayan djamars lo skucha e argumentonan den e kaso, tur kos despues di ku Maxwell a keda kondena siman pasa pa tráfiko seksual di menor pa Epstein. E demandante Virginia Giuffre ta bisa ku Epstein, un hòmber finansiero ku a suisidá su mes miéntras e tabata spera e huisio na 2019, a present’é pa tin relashon seksual ku su sosionan riku i poderoso inkluyendo prens Andrew.

E muhé a demanda e miembro di famia real britániko pa daño no spesifiká, indikando ku e prens a agredié seksualmente na 2001 ora e tabatin 17 aña i tabata menor di edat, segun lei merikano.

Andrew di 61 aña e di dos yu di reina Isabel II no a keda akusá penalmente i a nenga enérgikamente e akusashonnan.