Krioyonan den MLB

Kenley Jansen (Los Angeles Dodgers) den su regreso bek den akshon na Colorado a salba su di 4 wega di temporada tirando 1.1 ining di relevo sin permití kareda ni hit i poncha dos bateadó. Esaki tabata e último opstákulo pa Jansen superá pa demonstrá ku e tabata 100% rekuperá pichando di e siudat unda el a bira malu temporada pasa debí na e altura di Denver. Ayera e no a mira akshon

Andrelton Simmons (Los Angeles Angels) tabata bek den aliniashon djasabra i a bai di 5-1 i a roba su promé base di temporada. Un señal ku su lomba ta 100% despues di a sinti esaki djaweps den wega. Ayera el a bolbe bai di 5-1 ku 1 kareda anotá i bolbe roba un base. Defensivamente tabata enbolbí den tres double play

Jurickson Profar (Oakland A’s) djasabra no a mira akshon i ayera a bai di 3-0 i a risibí un deadball i a roba un base

Xander Bogaerts (Boston Red Sox) djasabra a bai di 3-0 ku 1 kareda anotá i ayera a bai di 4-1

Ozhaino Albies (Atlanta Braves) djasabra a bai di 5-1 i ayera di 4-1 ku 1 kareda anotá

Jonathan Schoop (Minnesota Twins) a bai di 2-0 djasabra ku dos base por bola risibí i 1 kareda anotá. Ayera a bai di 4-0

Didi Gregorius (Yankees) ta riba lista di hungadónan leshoná i no ta programa pa mira akshon te despues di Wega di Tur Strea.

 Na Hapon

Coco Balentien (Yakult Swallows) djasabra a bai di 4-0 i ayera di 3-0 ku 1 base por bola

 Play of the day