Simmons ta benta 2 afó i ku hungada astuto kontra Yankees (ku video)

Deporte

Krioyonan den MLB

Andrelton Simmons (Los Angeles Angels) ku 2 honron den wega di ayera i a bai di 4-2 ku 2 kareda empuhá i 2 kareda anotá. Den defensa Simmons ta hasi un hungada astuto pa kue koredor di Yankees totalmente fo’i base pa kompletá un double play

Ozhaino Albies (Atlanta Braves) a bai di 3-1 ku 2 kareda anotá i 1 kareda empuhá. El a risibí 2 base por bola. Ozzie a konektá su di 3 honron di temporada den e wega aki

Jurickson Profar (Oakland A’s) a bai di 3-1 ayera ku 1 kareda empuhá i otro anotá i a risibí 1 base por bola

Xander Bogaerts (Boston Red Sox) a bai di 4-1 ayera ku 1 kareda empuhá i otro kareda anotá

Kenley Jansen (Los Angeles Dodgers) no a mira akshon ayera

Jonathan Schoop (Minnesota Twins) no a mira akshon ayera

Didi Gregorius (New York Yankees) ta riba lista di hungadónan leshoná i no ta programa pa mira akshon te despues di Wega di Tur Strea.

Na Hapon

Coco Balentien (Yakult Swallows) a bai di 5-1 ayera

Lupa riba Liga Menor

Jonathan Willems, 3b (Dayton Dragons, afiliashon Klase A di Cincinnati Reds) a bai di 4-0 ayera

Raysheandall Michel i Kevin Jospehina (Florida Fire Frogs, afiliashon Klase A di Atlanta Braves) Josephina a bai di 3-1 ku 1 kareda empuhá i Michel a bai di 2-0 ku 1 base por bola risibí

Juremi Profar, 1b (Frisco RoughRiders, afiliashon Dòbel A di Texas Rangers) a bai di 4-0 ayera

Ademar Rifaela, OF (Bowie Baysox, afiliashon Dòbel A di Baltimore Orioles) no a mira akshon ayera

Kirvin Moesquit, OF (Frederick Keys, afiliashon Klase A Avansa di Baltimore Orioles) a bai di 4-0 ayera

Hendrik Clementina, C (Daytona Tortugas, afiliashon Klase A Avansa di Cincinnati Reds) a bai di 4-2 ayera ku 2 kareda empuhá i 1 kareda anotá ku su promé honron di temporada