WILLEMSTAD.- E trahe nashonal ku Akisha Albert ta bai presentá durante dje sertámen di Miss Universe 2018, ‘The Triumph of Sablika’ ta simplemente impreshonante.
Diseñá pa Juan Carlos Padrino ku asesorionan di Dyanara Walle, lensu mara pa Shurendi Pieternella i konsepto di Ashric Martel ta representá ‘Sablika’ un muhé liber, ku a duna lucha pa libertat, union i fraternidat. Un lider, un edukadó, un muhé fuerte sin miedu, ku aparte di su libertat, a kere den e lucha pa libertat di otronan. Su kurashi, liderazgo i forsa a hasié un berdadero ‘role model’ pa e generashon femenino.