WILLEMSTAD.- Inskripshon ta habrí pa  koro di mucha Angelitos  i pa su Framily Music & Arts Academy.  Djadumingu dia 19 di ougùstùs 2018 lo tin inskripshon lès di kanto i tambe pa siña toka e  siguiente instrumèntnan: blòkflùit; kuarta; kitara; piano; fió; drùmsèt i perkushon.
Meta di Framily Music & Arts Academy ta pa desaroyá talento musikal i artístiko, desaroyo personal, emoshonal, sosial, spiritual i mentalidat positivo.

Guia
Guia lo ta na enkargo di dosentenan profeshonal, Instrukshon multilingual i den koperashon estrecho ku mayornan.
Framily, ku ta nifiká  “Where Friends become like Family”.
Apesar di siña i desaroyá nan talentonan, muchanan ta siña balornan humano, manera disiplina, kon pa kompartí, kon pa yuda otro, kon pa trata otro etc.
Mayornan tambe ta aktivamente envolví e proyektonan di e muchanan.
Pa mas informashon i inskripshon por manda un e-mail na Ruthieangelitos@gmail.com  òf un WhatsApp na number +5999 511-8160.