SAO LEOPOLDO (AFP).- Awaseru torensial a sigui bati den zùit di Brasil, ku riunan ku ta sigui krese i a krea un káos total na vários parti di Porto Alegre, den un region kaminda e inundashon ya a kousa 140 morto i sentenar di míles di hende ku a pèrdè nan kas.
“Praktikamente tur e riunan grandi dje estado tin e tendensia di sigui krese”, segun Defensa Sivil dje estado Rio Grande do Sul, ku ta papia e katastròf di klima mas pió di nan historia.
Na Porto Alegre nan a konstatá ku awa a superá sinku meter di haltura. Ademas di 140 morto, ta referí na 806 herido i 131 hende di kua no sa nan paradero.
Segun e último balanse di Defensa Sivil, mas di 619.000 persona mester a bandoná nan kas i tur esaki komo konsekuensia dje kambio di klima i e fenómeno di El Niño.
Segun outoridatnan, e área konosí komo Laguna de los Patos, ku salida na Atlántiko, ta “na nivelnan hopi elevá”, ku tendensia pa sigui subi den e zonanan na kosta.
