WILLEMSTAD.- Djasabra último a tuma lugá riba Plasa Brion un tremendo ‘Festival di Baile Folklóriko’ presentá pa SKOBA, e asosashon di Skolnan di Baile di Kòrsou. E festival aki a tuma lugá den kuadro di selebrashon di Siman di Kultura 2019.
Un total di 11 grupo di baile a partisipá presentando kada 1 dos baile folklóriko.
E públiko presente por a disfrutá di koreografianan ku a keda presentá riba ritmo di Wals, Mazurka, Polka, Tumba, Marcha, Tambú, Foks i Seú.
SKOBA sigur a kumpli ku su meta di duna realse na nos bailenan di folklor, dor di reskatá, salbaguardiá i konserva.
Riba foto nos por apresiá algun momentu durante dje ‘Festival di Baile Folklóriko’.