ATLANTA, AP.- Un kapa di sneu fini i eis na sùit di Merka a provoká ku mester a sera outopistanan, pistanan di avion, skol i ofisinanan di gobièrnu. Ademas, esaki a kousa ku outonan tabata slep riba kaminda djárason, miéntras un ráfaga di aire friu a kibra e record den e region na kosta di Golfo. Sigur sinku persona a muri dor di e klima aki.
E sneu a stroba tráfiko di mainta, asta promé ku oranan drùk. Esaki a provoká dalmentu riba outopistanan importante den e region kompleto. Outoridat a pidi e pueblo pa evitá di manehá.
Míles di alumno i profesor tabatin dia liber. Mayoria siudat a kanselá reunion i seshonnan den tribunal, i asta algun negoshi tabata sera. E pistanan tabata slep i mester a deskongelá avionnan kual a provoká vários kanselashon i retraso di buelo na New Orleans, Memphis, Tennesse, i Raleigh-Durham, Nort Carolina.
