WILLEMSTAD.- SOAB huntu ku Marnix Cas Cora ta organisá riba djaluna 5 di febrüari 2018 su tradishonal jump in.
E tema pe aña aki ta ‘Ban Baka’. E jump in ta start 8’or di anochi i ta kaba 12’or di anochi.
E evento ta tuma lugá riba e patio patras na SOAB na Scharlooweg 174.
Músika ta na enkargo di ERA i DREAMS. Rei /Reina di Tumba 2018 tambe lo ta presente pa  deleitá ku su tumba ganadó.
Karchi di entrada ta kosta 65 florin (ta inkluí un Vèst, asesorio, 5 drinks i2 snèk).
Karchinan ya ta optenibel na bali di SOAB durante di siman di 09:00 – 12:00 i di 14:00 – 17:00, tambe serka alumnonan di Marnix College VSBO. Esaki te kaminda tin na stòk! Pa mas informashon por yama na 466-9000.