Solange E. Balentien

Hende ta proponé, pero Dios ta disponé.
Gerensia, staf i personal di N.V. Autobusbedrijf Curaçao

ta kumpli ku e tristu deber di anunsiá fayesimentu di su empleado, señora

Solange E. Balentien
Èks Shofùr di konvoi i despues "Klanten Service medewerker" na Post Otrabanda.
Durante 23 aña, Solange a forma parti di nos kompania, kaminda el a desempeñá di shofùr di konvoi pa "klanten service medewerker" ku hopi dedikashon.

Nos a konosé Solange komo un hende alegre, fuerte i sosial. Un persona ku su presensia tabata trese alegria den su ambiente di trabou. Solange tabata un hende ku ora e yega, bo sa ku el a yega. Ku su karakter fuerte, su forma spontáneo i alegria, e tabatin un manera spesial di laga sinti su presensia.

Solange tabata un persona ku tabata gusta kompartí ku otro. Na aktividatnan sosial di nos kompania, kasi semper e tabata presente, disfrutando di e momentonan bunita huntu ku su koleganan. Su alegria i su manera di trata hende a hasi ku e tabata masha stimá entre su koleganan.

Nos lo keda rekordá Solange no solamente pa su kontribushon na nos kompania, sino tambe pa e persona alegre, fuerte i spesial ku e tabata.

Solange, danki pa e 23 añanan ku bo a kompartí ku nos. Bo alegria, bo fortalesa i e bunita rekuerdonan lo keda biba den nos kurason.

Sosegá na pas, Solange Balentien.

Akto di entiero lo tuma lugá djabièrnè 23 di Òktober 2026 na El Señorial pa Santana Katóliko St Maria. Ta kuminsá risibí bishita di kondolensia for di 13:00 te ku 15:00 na El Señorial Van Leeuwenhoekstraat .

Gerensia, staf i personal di
N.V. Autobusbedrijf Curaçao