WILLEMSTAD.- Resientemente Ofisina di Turismo a duna Jonathan Thiel, konosí komo ‘Jeon’ un rekonosementu pa su éksito i mustr’é ku a apresiá ku el a menshoná Kòrsou den e kantika ‘Machika’. Ayera nochi nos a tuma nota riba retnan sosial un biaha mas kon humilde Jeon ta na momentu ku el a pone riba Facebook ku e kansion ‘X’ interpretá pa Nicky Jam i J Balvin a risibí 2 nominashon pa Latin Grammy i Latin American Music Awards pa ‘Mihó kansion Urban’ i ‘Kansion di Aña’. Pa e komposishon ‘X’ ta Afro Bros. i Jeon a produsí e muzik. Mi ta ‘quote’ Jeon: “Ainda mi por kòrda ora mi a kuminsá mi so den studio i niun hende tabata sa di mi....Anochinan lat te mainta ta purba krea mi mihó kantika.  Trapa bai te skol ku baiskel tur dia pa purba bira algu den bida....I Dios a skucha mi”. Keda humilde !.