AMSTERDAM.-Informashon for di Ministerio Publiko na Hulanda, Amsterdam ta indiká ku e hòmber di 27 aña ku a keda arestá djamars último, pa supuesto partisipashon den e plan pa asesiná periodista Peter R. de Vries ta den libertat. OM ta bisa ku e hòmber ta keda sospechoso den e kaso aki, sin embargo a pone den libertat awe djaweps.

Manera EXTRA a informa djamars último, a detené un hòmber na Helmond ku supuestamente lo mester tabata embolbi di un manera òf otro ku e kaso di asesinato. E otro personanan ku ta den aresto preventivo relashoná ku e kaso  ta será ainda.

Den tratamentu di e kaso den korte, fiskal a hasi demanda di kastigu di bida largu pa tantu esun ku a stür e outo komo esun ku a los e balanan riba de Vries, kual a resultá den su morto. Korte no a dikta sentensia den e kaso aki ainda.