MADRID, AP.- Spaña a anunsiá ku e lo emití un òrdu europeo di detenshon nobo kontra presidente regional di Catalonia den kaso ku e sali di Bèlgika i drenta Dinamarka, manera e ta planiando. Asina e fiskal spañó a indiká.
E eks lider katalan Carles Puigdemont tin planiá di asistí un debate den Universidat di Copenhague djaluna.
E biahe lo ta e promé di Puigdemont for di Bèlgika, desde ku el a skapa di Spaña pa evitá di paresé dilanti di korte den Spaña.
Fiskal di estado a bisa djadumingu ku si Puigdemont drenta Dinamarka manera e ta planiá, su ofisina “ta bai pidi” Tribunal Supremo di Spaña pa esaki emití un òrdu pa su detenshon “inmediatamente” pa outoridat danes.
Spaña e emití un òrdu europeo di detenshon pa Puigdemont den novèmber pero a retirá un luna mas despues.
