WILLEMSTAD.- E tradishonal selebrashon di ‘Sperando Tiru’ riba Awasá lo ta virtual e aña aki.

Gobièrnu di Kòrsou a tuma e desishon ku lo presentá un programa di mas o ménos 2 ora i mei kaminda esnan na kas lo por disfrutá di diferente segmento ku lo repasá 2021.

‘DEN E BEMBE’ a komprondé ku riba instrukshon di Minister ESKD, a kambia e plan ku tabatin promé i hasi esaki un selebrashon virtual.

Muzik tantu pa mucha komo hende grandi lo forma parti dje show ku lo inkluí tambe un show di vürwèrk na final. Den e siman aki ta pendiente pa lansa tambe un videoclip ku a keda produsí pa OK Band ku ta forma parti dje proyekto ku lo inkluí diferente otro tema di atenshon.

Manera tin mas informashon pa kompartí ‘DEN E BEMBE’ lo pèrkurá pa su lektornan por risibí mas informashon.