WILLEMSTAD.- Awe pa 6’or Mi95 lo tin un spesial di Juan Gabriel. Percy Pinedo a produsí i lo presentá un spesial di e strea grandi di músika, Juan Gabriel kaminda lo repasá diferente etapa di su bida i tambe pasa entrevista i klaro su tantísimo éksitonan.

Djaluna awor, 28 di ougùstùs 2017 ta kumpli 1 aña di su morto. Albert Aguilera Valadez, nase dia 7 di yanüari 1950 a komponé mas ku 1800 kansion i a bende mas ku 100 mion disko rònt mundu.

E produkshon musikal ‘Recuerdos Vol. II’ a bende mas ku 8 mion CD na México. Percy Pinedo lo presentá e éksitonan grandi di ‘El Divo de Juarez’ manera ‘Amor Eterno’, ‘Yo naci para amar’, ‘Querida’, ‘Hasta que te conoci’, ‘No tengo dinero’ i hopi mas.

Juan Gabriel tabatin un impakto asina grandi ku te hasta despues di su morto su último produkshon musikal, ‘Los Duo Vol. 2’ ta logra pa optené 2 Latin Grammy. Pues awe tardi 6’or e spesial di Juan Gabriel ta kuminsá na Mi95 i kaba ora e kaba.