ARUBA.- Konosí pa su produkshonnan durante e temporada di ‘lock down’ relashoná ku COVID, John Francis no ta laga e temporada di fin di aña pasa sin produsí algu nobo.

E biaha aki John Francis ta produsí un kansion original titulá ‘Esta Navidad’. Komposishon i areglo tabata den man di John Francis Jacobs i el a konta ku kolaborashon di e músikonan: Andy Martes riba bas, Graham Donata riba tres kubano, Pedro Marcano riba trompèt i Francella Jacobs a kontribuí kantando koro.

‘Esta Navidad’ ta di e género Salsa i ta disponibel riba tur plataforma musikal manera ITunes, Spotify, Deezer i YouTube.