MERKA.- ‘Spider-Man: Homecoming’ a kombertí su mes den e di kuater estreno dje aña aki ku ta superá e barera di 100 mion dòler (‘Beauty and the Beast’, ‘Guardians of the Galaxy Vol. 2’ i ‘Wonder Woman’), den su kaso alkansando 117 mion, asina e empresa spesialisá ‘Box Office Mojo’ a informá.
Ta trata aki di un dje debutnan di mas potente den historia di Sony Pictures i ta e di dos mas fuerte di kualkier pelíkula protagonista pa e super héroe, ‘Spider-Man 3’ ku a risibí 151.1 mion dòler na entrada na 2007.
E di dos lugá a bai pa ‘Dispicable Me 3’ ku 34 mion dòler. ‘Baby Driver’ a keda na di tres lugá ku 12.8 mion dòler. ‘Wonder Woman’ a konkista e di kuater lugá ku 10.1 mion dòler i por último na di sinku lugá ‘Transformers: The Last Knight’ ku a logra 6.3 mion dòler na entrada.