SEUL, SUR COREA, AP.- Samsung a bisa ku un investigashon ekshoustivo di e telefòn Galaxy Note 7 a konfirmá loke ta kousa ku e telefònnan eksplotá. E kousa ta den e bateria i esaki ta un paso inisial pero importante pa rekuperá konfiansa di konsumidónan. Pero ainda tin dudanan ta persistí.

...Galaxy Note 7...

E empresa surkoreano a anunsiá ku lo tin mihó kontrol di kalidat i pruebanan mas riguroso, tumando responsabilidat di no a garantisá ku e instrukshonnan di diseño di su proveedornan tabata un prueba di eror. E salida di su siguiente generashon di Galaxy no a wòrdu develá tampoko. Normalmente esaki ta pasa den febrüari.

Despues ku telefònnan tabata sende na kandela spontaneamente, Samsung a retirá miónes di su telefònnan i a sufri un bahada di 5.300 mion dòler den su ganashinan, ademas di un gòlpi imposibel di midi su reputashon.

...Presidente di Samsung, Koh Dong-jin...