sr. Dito Abbad

Apresiabel lesadó,

Ku un kurason kargá i ku tristesa nos ta anunsiá fayesementu di:

sr. Dito Abbad

Sr. Dito Abbad tabata i ta keda semper un baluarte di Otrobanda. Otrobanda tabata grabá den sr. Dito Abbad su kurason i mente. Sr. Dito Abbad a yuda i a asistí na diferente okashon ku diferente proyekto pa lanta i renobá Otrobanda. Tur esakinan semper di forma boluntario i semper portanan di ofisina tabata habrí pa Otrobanda.

Sr. Dito Abbad su vision i influensha nos ta sinti i biba awendia ahinda den e sigiente proyekto(nan);

•Un di e promé pioneronan pa protekshon di nos

monumentonan. Huntu ku Hulanda sr. Dito Abbad a logra

hasi esaki realidad dor di lanta Monumentenzorg i despues Monumentenfonds,

•Motor tras di e plan mayó “masterplan” di Rif te ku

Piscadera den aña 2000,

•Miembro di e grupo fundador huntu ku Pader Broeks i otro

visioneronan den Otrobanda, ku a konsipia e nesesidat i a

yuda lanta Plataforma Otrobanda ku ta e predesesor di

Federashon Otrobanda,

•Un di e personanan ku huntu ku Hulanda a enkurashá

Kranshi pa bini den Otrobanda kaminda tabata Casa

Blanca.

•A traha riba un plan pa nos Hospital personalmente,

lamentablemente esaki no a keda realisá.

•Semper tabata bin dilanti ku strategianan genial pa por

traha riba diferente proyekto manera Plasa Brion.

Danki na su lucha i esfuerso ku Plasa Brion awe ta nos

plasa nashonal.

Ku e pida historia chikitu aki di loke sr. Dito Abbad a hasi i a nifiká pa Otrobanda, nos por bisa, sin duda di a pèrde un pilar grandi, ku di bèrdat tabata tin Otrobanda na pechu i den su kurason.

Sr. Dito Abbad a siña nos hopi entre otro kon pa mantene nos historia paternal.

Di kurason nos ta yama sr. Dito Abbad Danki pa tur e añanan di esfuerso ku el a hinká den Otrobanda.

Sosiedat Komersiante Otrobanda(SKO), Plataforma Otrobanda(PO) i Federashon Otrobanda(FO), no ta yama

    sr. Dito Abbad ayo, Pero te despues i sosegá na Pas!