Sr. Magno Abath

Ku gran asombro nos di grupo Nos Orguyo Curacao 60+ a tuma nota di fayesimentu arepentino di nos kolega/guia

Sr. Magno Abath

Entretantu entiero a tuma lugá den seno familiar. Djabierne, 5 yanuari 2018 pa 7'or p.m. Su yunan i demas famia ta laga hasi un Santu Eukaristia na misa Sta. Maria pa deskanso di alma di guia Magno.

Magno, un persona trankil, pero kritiko i tambe chistoso a duna su aporte pa m.o.m 3 aña na nos organisashon. Ku hopi smak i kariño ela duna su ayudo na nos grandinan durante e periodo menshoná. Lastima ku e retu di salú ku e tabata komfrontá no tabata nada fasil i hopi bia a limité di por koperá manera tabata su deseo.
Estimado Magno, nos a apresiá i ta agradesido pa e periodo ku gratuitamente bo a duna bo aporte na tur e grandinan di nos klup. Nos lo keda rekorda bo komo un persona ku tabatin hopi apresio pa e hende di edat avansa i tambe kultura di Kòrsou.

Por ultimo direktiva ta motivá tur miembro i guia pa asisti na e Santu Eukaristia i asina duna honor i apresio na defuntu guia Magno i su famia.
Magno masha, masha danki i sosega na pas.