Sra. Sandra Hollander

Invitashon pa un selebrashon eukarístiko na memoria di

Sra. Sandra Hollander

Dia 24 di mei, riba fiesta di Maria Auxiliadora, Dios a yama serka dje nos mama Sandra Hollander. Nos ta konfia ku nos Mama Maria, riba e dia di Su fiesta, a bin buska e alma ku a stim'é asina tantu i a plama Su amor i deboshon tur kaminda. Nos ta kere ku nos mama, despues di un tempu largu di enfermedat, kua a fortalesé su fe i konfiansa den Dios, awor ta felis di a yega na e kas di nos Tata Dios.

Na okashon di un luna di su fayesimentu, nos ke selebrá su bida i amor, su fe kompletamente entregá na Iglesia, na su famia i na nos tur pa medio di obranan di karidat. P'esei nos ta invitá boso na un selebrashon eukarístiko pa gradisí Dios e fe i e amor ku e a kompartí ku nos tur.

Den nòmber di nos mama nos ta gradisí boso tur.

Faride Hollander & Talissa Huizing-Hollander

Fecha: djaweps 24 di yüni 2021
Ora: 6:30 di atardi
Lugá: Katedral di Pietermaai

Hesus a bisa: "Esaki ta boluntat di mi Tata, ku tur hende ku ta mira e Yu I ta kere den Dj'E, tin Bida Eterno." Huan 6,40.