WILLEMSTAD.- Stevens Daniel ta bolbe presentá un kansion i produkshon sèksi i sensual. E hóben kantante ta sigur un strea briante den su generashon. Despues di ingresa den ICONS Stevens a bin ta desaroyá su mes den gran forma, esaki ta bai kombiná ku un estilo propio i kurashi pa presentá temanan i produkshonnan ku ainda no a keda eksplorá.
Despues di su éksito ‘Bo mester ta aki den’ ku a keda grandemente zoná tantu den su vershon studio i tambe vershon bibu, Stevens i ICONS ta introdusí ‘Nami’e tur tur..’, un produkshon di Derrel ‘Titi’ de Palm.
E kansion a wòrdu grabá  na Westlake Studios i mesklá dor di Jane Lee. E kas di produkshon Decoded ta ampliando horizontenan di loke ta wòrdu yamá ritmo kombiná., eksperimentando ku aksènt- i zonidonan nobo. Den e piesa spesífiko aki a kombiná e ritmo ku ‘urban’.
Ta invitá fanátikonan pa sigui e desaroyonan di serka riba social media; Facebook/Instagram @stevensdaniell. E piesa nobo ya por wòrdu skuchá na tur radioemisora lokal. Tambe pa tur esnan ku ke stream e piesanan por hasi esaki riba Tunes, Spotify, Tidal i Apple Music.
Tokante Decoded
Decoded ta un kas di produkshon lokal, ku mira internashonal. Desde su lansamentu e meta prinsipal tabata pa duna oportunidatnan internashonal na artistanan lokal i krea un brùg pa farándula lokal por profilá internashonalmente. Aktualmente Decoded ta kas pa ICONS, TSeaN, Bauco, Rich Kalash, Jaido, i DXBT. Pa mas informashon bishitá Youtube/Facebook/Instagram: @decodedofficial.