WILLEMSTAD.- Atwell “Achie” Belioso a nase riba 17 di yanüari 1953 aki na Kòrsou i ta konosí komo un atleta di distansia largu. E ta di e bario Mahuma i a traha 44 aña na Hòspital St. Elisabeth. El a kuminsá praktiká e deporte di atletismo ku 13 aña. Achie tabata su mes coach i komo tal na momento ku el a kuminsá kompetí, nan no tabata sa di unda Achie a sali. Su promé kareda tabata riba distansia di 17 km na edat di 26 aña. E dia ei dirèkt el a gana su promé trofeo.

..Atwell “Achie” Belioso.

Ku 28 aña Achie a kuminsá kore den e gran ekipo Olympic. E kareda ku kua Achie tabata e gran kampion, tabata na Boneiru di Playa pa Rincon. El a gana e kareda aki 6 biaha komo tambe e mini máratòn di Boneiru. Na Aruba tambe Achie a kompetí na hopi okashon, ganando karedanan entre kua esun di 18 km di Lucor. El a gana e kopa rotativo dje kareda aki dos biaha tras di otro. Tambe na aña 1988 Achie a kore e gran máratòn di New York (42 km) den un tempu di 2 ora 50 min.
Un di Achie su pupilonan tabata e gran koredó Amadeo Kemper. Na aña 2000 Achie a stòp di kompetí, pero el a sigui kore pa kondishon.

...Na momento ku Achie ta risibí un trofeo...

Achie a kore tambe:
- 3x kareda 7 km Boka Tabla pa Watamula
- 2x kareda 10 km Janwé pa Montaña
- Kareda 4 km na Kenepa
- Kareda na St. Croix 21 km
- Kareda Ontvanger 21 km
- Kareda UNA 10 km
- Kareda Grasia 24 km

Rèkòrtnan:
Achie a kibra hopi rèkòrt tambe e.o.:
- 17 km Mini Máratòn 52 min 39 sek.
- 10 km Sedreko 32 min,
- 8 km den 24 min.

Logronan komo deportista:
- 1984 Ganadó di Regatta Mini Máratòn 24 km den tempu 1:32.44, ganadó den kategoria 26 te ku 35 aña.
- 1984 di 9 lugá Xerox 10 km RRCK, ganadó den kategoria 30-34 aña.
- 1985 di 2 lugá 5 km wedloop RRCK tempu 16.40.3 min.
- 1985 di 2 lugá ABN Bank 5 km race tempu: 16 min 31 sec.
- 1985 di 3 lugá Fatumloop 10 km tempu: 34,17 min.
- 1985 di 2 lugá 10 km Idefre-loop na Aruba, ganadó den kategoria 30-34 aña.
- 1985 di 3 luga Xerox-loop.
- 1985 Nominado pa Deportista di Aña.
- 1986 Ganadó Kareda Playa/Rincon tempu 1:05.54.
- 1986 Ganadó di Regatta Máratòn 24 km: 1:26.56.
- 1986 di 2 lugá 4 km Stratenloop di CAB.
- 1986 di 2 lugá promé Schottegatloop, ganadó kategoria 30-34 aña.
- 1987 Ganadó Mini Máratòn Playa/Rincon tempu 1.02.01 ora.
- 1987 Ganadó Mini Máratòn 17 km Rincon - Bonaire Beach Hotel (BBH), rèkòrt 52 min 39 sek.
- 1987 Ganadó di 18 km Lucorloop na Aruba.
- 1988 Ganadó di 18 km Lucorloop na Aruba.
- 1988 Ganadó di 10 km Banda Ariba.
- 1989 di 2 lugá 18 km Sanicolas/Playa loop.
- 1991 Ganadó di 17 km Playa/Rincon den kategoria 30-44 aña.

...Achie komo ganadó di Mini Máratòn di Regata na Boneiru...