WILLEMSTAD.- Despues di 3 aña hopi eksitoso, ‘Strea Chikí Kiddi’ tei e aña aki bèk pa nos mucha- i hóbennan. Den e edishon aki Strea Chikí ta pa tur talento; muchanan di 8 te ku 14 aña por inskribí i mustra Kòrsou nan talento, sea ta kanto, baile, aktuashon, músika òf kualkier otro talento. For di djadumingu promé òktober, Strea Chikí a start ku e parti di inskripshon. Inskripshon lo sera fin febrüari 2018. Den luna di mart lo tuma lugá e oudishonnan di Strea Chikí.
Inskripshonnan ta grátis pa tur mucha ku ke partisipá i por inskribí na e mayoria skolnan básiko, Zero Gravity na Sambil, Biblioteka, òf Xerox Docucentro. Tambe lo por inskribí riba e página di Strea Chikí riba Facebook. Nos ta kere den futuro di Kòrsou i ta p’esei nos ta invertí den nos muchanan. E muchanan partisipante tambe lo risibí algun workshop di entre otro disiplina, téknika, presentashon, i motivashon.
Premio pa e ganadó máksimo ta 10 mil florin na diferente premio atraktivo.